#sesisesi kanta
Batzuk esan omen dute,
hotzak eta aspergarriak garela,
ez dakigula dantzatzen.
Txantxa moduen hasi zen,
lehenengo bueltan aukeraketa twitterren,
eta orain, eta orain, eta orain…
#sesisesi, trololo!
euskaldun eta bero!
@jonsaez eta @teketen,
@eideralkorta @xaukenaxauk,
Txantxa moduen hasi zen,
lehenengo bueltan aukeraketa twitterren,
eta orain, eta orain, eta orain…
#sesisesi, trololo!
euskaldun eta bero!
Datorren abenduaren 27an, Bilboko Kalderapeko tabernan #sesisesi KDD ospatuko dugu. Ni ere handik ibiliko naz gitarra eta guzti.
;)
Baina, zer inbento klase da hau?
Joxe-k bere blogean ederto azaltzen du: www.teknopata.net
Batzuk despistatu samar ikusi zaituztedanez, beharbada komeni da #sesisesi kontu hau nondik datorren, labur-labur:
Laster udaberria helduko da, ta aurten gure balkoian haziak poto txikitxuetan landatu doguz. Orain ereindakoak, bi hilabete barru ortura eroangoguz, hantxe landatzeko. Urtero legez kalabaziñak, tomatiek, pipertxu berdeak ta beste guztixek udan batzeko.
denetarik atalean publikatua
kalabaziñak, ortue, tomatiek, udaberria hitzekin laburtua
Aurreko udan martxan jarri genuen CD crossing ekimenarekin aurrera goaz. Jada munduko hamaika herrialde ezberdinen argazkiak jaso doguz (goiko argazkietan ikusten denez diskoa Moskun, Istanbulen, Mexiko DF.-en eta Parisen). Gutxinaka danak batu doguz, bukaeran den-denak grabatzen ari garen bideo baten argitaratuko ditugulako.
Bideoan ikusi aurretik zeozer kuxkuxeatu nahi izanez gero argazki guztiak daude gure facebook gunean. Eskerrik asko parte hartu dozuen guztioi, biba zuek!!
2010 joan zaigu.
Gurean urte gazi-goxoa izan da. Batetik istorioz, kontzertu eta lagunez betetako hamabi hilabete eder. Bestetik, hirurehun ta hirurogeitabost egun hauetan, une ilun eta goibelak ere egon dira …joandako lagunak, maitasunak, eta gau ilunetan agortutako ametsak.
Galdutakoa eta irabazitakoaren batuketa eta kenketa egin ostean, nire kasuen behintzat, 2010 urte zaharreko uztaz egindako ardautxuak zapore mingotsa bai, baino bukaera oparoa bezain zorionekoa izan du. Etxe barruko bixamona luze horietakoa. Eguneroko oroimenean geratuko dira:
- Liburuak: “autokarabana”, eta “el arte de volar” bereziki gustora irakurritakoak.
- Musikari dagokionez: Zea Mays taldearen “Era” disko berria, Pablo Moro kantautorearena, Split77…eta abar luzea.
- Parte hartutako ekimen kulturalak: Ahotsenea eta Eako poesia egunak. Auzolanean sustraitutako ekitaldiak, ta 2011an indarberrituta etorriko direnak.
Emandako kontzertuak: Bakio, Bergara, Zalla, Mutriku, Altsasu, Arrasate, Garde, Ea, Bilbo, Arrigorriaga, Abadiño…eta Madrileko kaleetan grabatutako “Beldurra” bideoklipa.
- Martxan jarritako CD Crossing ekimena: gure musika euskal herritik kanpo ezagutarazteko ekintza berezia
- Eta blogari, lagun ta proiektu berriak: @imurua, @xanharriague @SiropeProjects, eta beste asko!
Eztot txapa gehiagorik sartuko. Laburbilduz…2011an hamaika amets bete eizuezela opa deutsuet,
Josu
denetarik atalean publikatua
2010, 2011, ahotsenea, autokarabana, eako poesia egunak, split77, zea mays hitzekin laburtua
 | josubergara on Agur 2011, Kaixo 2012 |
 | ardibeltza on Agur 2011, Kaixo 2012 |
| josubergara on kantak idazteko errezeta |
 | J. on kantak idazteko errezeta |
| josubergara on atsedena hartzeko garaia |
